محاصل کے بارے میں وزیراعظم کے خصوصی معاون ہارون اخترخان نے کہا کہ ایف بی آر ٹیکسوں کا دائرہ کار بڑھانے کیلئے ٹھوس کوششیں کررہا ہے اور اس مقصد کیلئے موجودہ ٹیکس دہندگان پر بوجھ ڈالنے کی بجائے نئے ٹیکس دہندگان کو تلاش کرنے پر توجہ مرکوز کی جارہی ہے۔اسلام آباد ایوان صنعت وتجارت کے عہداران اور اراکین سے خطاب کرتے ہوئے انہوں نے کہا کہ ٹیکس دہندگان کے حوالے سے جامع پروگرام کے تحت نئے ٹیکس دہندگان کی تلاش جاری ہے۔