مقبوضہ کشمیر میں نظام زندگی مکمل طور پر مفلوج ہونے کے دوران بھارتی فورسز بچوں کو گرفتار اور خواتین اور لڑکیوں کو ہراساں کررہی ہیں۔
بھارت کے معاشی ماہرین اور انسانی حقوق کے کارکنوں کی محصور کشمیر کے عنوان سے رپورٹ کے مطابق بھارتی پولیس،فوج اور نیم فوجی اہلکاروں نے علاقے میں سینکڑوں گھروں پر چھاپے مارے اور سکول کے بچوں اور نوجوانوں کو زبردستی ان کے گھروں سے حراست میں لے لیا۔
رپورٹ میں کہاگیا کہ سکیورٹی اہلکاروں نے چھاپوں کے دوران خواتین اور لڑکیوں کو ہراساں بھی کیا۔
رپورٹ میں مزید کہاگیا ہے کہ بھارتی فورسز شہریوں کے خلاف چھرے والی بندوق کا بےدریغ استعمال کررہی ہیں۔