روس کے صدر ولادی میر پیوٹن نے کہا ہے کہ روس چین کے ساتھ مختلف شعبوں میں تعاون کو فروغ دینے اور بین الاقوامی اور علاقائی امور کے بارے میں روابط بڑھانے کےلئے تیار ہے۔
انہوں نے یہ بات سوچی میں چین کی کیمونسٹ پارٹی کے پو لیٹیکل بیورو کے ارکان کے ساتھ ملاقات میں کہی۔
صدر پیوٹن نےکہا کہ وہ اور چین کے صدر شی جن پنگ گزشتہ ماہ جنوبی افریقہ میں بریکس سربراہ اجلاس کے موقع پر ایک نئے اور اہم اتفاق رائے پر پہنچے ہیں کہ روس اور چین کے درمیان تعلقات نہ صرف دونوں ملکوں بلکہ دنیا بھر کے لئے اہم ہیں۔
صدر پیوٹن نے کہا کہ وہ صدر شی جن پنگ سے دوبارہ ملاقات کے خواہاں ہیں۔
