انفارمیشن ٹیکنالوجی اور ٹیلی مواصلات کے وزیر امین الحق نے کہا ہے کہ حکومت وزیراعظم عمران خان کے وژن کے تحت ڈیجیٹل پاکستان کا ہدف حاصل کرنے کیلئے کام کر رہی ہے۔
بدھ کے روز اسلام آباد میں سمارٹ ویلج کی افتتاحی تقریب سے خطاب کرتے ہوئے انہوں نے کہا کہ اس منصوبے کے تحت ملک کے پسماندہ علاقوں میں جدید سہولیات سے آراستہ مراکز قائم کئے جائینگے۔وزیر نے کہا کہ اس منصوبے کا بنیادی مقصد عام آدمی کو ڈیجیٹل ٹیکنالوجی کے استعمال کے لئے آمادہ اور انہیں تربیت دینا ہے۔