پاکستان سمیت دنیا بھر میں اتوار کو والد کا عالمی دن منایا گیا جس کا مقصد اس کی پور ے خاندان بالخصوص بچوں کے لئے غیر مشروط محبت اور حمایت کوخراج تحسین پیش کرنا ہے۔ اس دن کے موقع پر پنجاب کے وزیراعلیٰ سردار عثمان بزدار نے کہا ہے کہ پیار کرنے والا باپ درخت کے گھنے سائے کی طرح ہے اور اس کا کوئی متبادل نہیں۔ انہوں نے کہا کہ باپ کا تعلق ذاتی مفادات، مصنوعی رویے اور عالمی مفادات سے بالاتر ہوتا ہے۔