بیرون ملک مقیم پاکستانیوں اور انسانی وسائل کی ترقی کے بارے میں وزیراعظم کے معاون خصوصی سیدذوالفقارعباس بخاری نے کہاہے کہ پولیس کے سہولتی مراکزمیں خصوصی ڈیسک قائم کئے جارہے ہیں تاکہ بیرون ملک مقیم پاکستانیوں کے مسائل فوری حل کئے جائیں۔
اسلام آباد میں پولیس کے سہولتی مرکز کے دورے کے دوران انہوں نے کہاکہ بیرون ملک مقیم پاکستانیوں کی بیشترشکایات جائیداد سے متعلق ہوتی ہیں جن پر بروقت کارروائی کی جائے گی۔
انہوں نے کہاکہ ان کی وزارت اس مقصد کے لئے عدالتیں قائم کرنے پر کام کررہی ہے۔
ذوالفقارعباس بخاری نے کہاکہ حکومت بیرون ملک مقیم پاکستانیوں کو زیادہ سے زیادہ سہولتوں کی فراہمی کے لئے پُرعزم ہے۔
