فائل فوٹو
مذہبی امور اور بین المذاہب ہم آہنگی کے وزیر ڈاکٹر نور الحق قادری نے 26ویں آئینی ترمیمی بل کی قومی اسمبلی سے متفقہ طور پر منظوری کو سراہتے ہوئے کہا ہے کہ متعلقہ بل سے سابق فاٹا کو قومی دھارے میں لایاجاسکے گا۔
انہوں نے پی ٹی وی سے گفتگو کرتے ہوئے کہا کہ فاٹا میں قومی اسمبلی کی نشستیں 6سے بڑھاکر12 جبکہ خیبرپختونخوا اسمبلی میں اس کی نشستیں 16سے24کردی گئی ہیں جس سے خیبرپختونحوا میں ضم کئے گئے قبائلی اضلاع میں استحکام کے علاوہ ترقی اورخوشحالی کی راہ ہموار ہوگی۔
وفاقی وزیرنے کہاکہ اِن قبائلی اضلاع کے لئے قومی مالیاتی کمیشن ایوارڈ کے معاملے پر اتفاق رائے کے لئے مشاورت کی جائے گی ۔
انہوں نے امیدظاہر کی کہ صوبے اس سلسلے میں مثبت ردعمل کااظہارکریں گے۔