لاہورمیں اورنج لائن میٹروٹرین بدھ کے روز دوسری مرتبہ آزمائشی طورپر چلائی جارہی ہے۔
وزیراعلیٰ پنجاب محمدشہبازشریف نے اس موقع پر اپنے ٹویٹ میں کہاکہ اورنج لائن میٹروٹرین کاآزمائشی سفرمنصوبے کی تکمیل کی جانب ایک سنگ میل ہے۔انہوں نے کہاکہ یہ پاکستان میں پبلک ٹرانسپورٹ کے نئے دور کاآغاز ہے اور اس سے طلباء ،خواتین، محنت کشوں، کاروباری حضرات اورمعاشرے کے باقی طبقات کو آمدورفت میں آسانی ہوگی۔