بھارت کے غیر قانونی زیر قبضہ جموں وکشمیر میں کل جماعتی حریت کانفرنس کے سینئر رہنما اور انجمن شرعی شیعیان کے چیئرمین آغا سید حسن الموسوی الصفوی نے کہا ہے کہ مسئلہ کشمیر کو حل کرنے کا واحد راستہ مذاکرات ہیں ۔
انہوں نے بڈگام کی مرکزی امام بارگاہ میں نماز جمعہ کے خطا ب کے دوران کہا کہ تنازعہ کشمیر ایک حقیقت ہے جسکے حل کے بغیر خطے میں امن ترقی ممکن نہیں۔لوگوں نے میر واعظ عمر فاروق سمیت حریت رہنمائوں کی مسلسل حراست کے خلاف آج جامع مسجد سرینگر میں ایک زبردست بھارت مخالف مظاہرہ کیا۔بھارتی پولیس نے سرینگر کے ڈاؤن ٹائون علاقے سے متعدد افراد گرفتار کرلیے۔ادھر بھارت کے غیرقانونی زیرقبضہ جموں وکشمیر میں نیشنل کانفرنس نے کہا ہے کہ بھارتیہ جنتا پارٹی کی زیر قیادت حکومت نے روزگار کے حوالے سے عدم تحفظ کا ماحول پیدا کرکے نوجوانوں کو بحران کی جانب دھکیل دیا ہے ۔جموں میں PANGORE کے مقام پر ایک عوامی جلسے میں تقریر کرتے ہوئے اجے کمار سندھو ترا نے کہاکہ بی جے پی کی طرف سے پانچ اگست 2019ء کو جموں کی خصوصی حیثیت ختم کئے جانے کے بعد جموں ڈویژن کے عوام بدترین حالات کا شکار ہیں۔