صدر ممنون حسین نے کہا ہے کہ سیاستدانوں کو قومی مفاد میں مل کر کام کرنا چاہئے۔انہوں نے یہ بات پیر کے روز اسلام آباد میں پاسپورٹ آفس کے صدر دفتر میں اپنے پاسپورٹ کی تجدید کے موقع پر اظہار خیال کرتے ہوئے کہی۔صدر نے کہا کہ تمام اداروں کو اپنے دائرہ کار میں رہ کر کام کرنا چاہئے۔ انہوں نے کہا کہ اگر ادارے اپنی حدود سے تجاوز نہ کریں تو کسی کو کوئی شکایت نہیں ہوگی۔ممنون حسین نے کہا کہ سیاستدان تجربہ کار اور دانشمند ہیں اور وہ ملک کو کسی بھی بحران سے نکال سکتے ہیں۔ صدر نے عوامی سہولت کیلئے پاسپورٹ آفس کے انتظامات کی تعریف کی۔