پنجاب کے وزیراعلیٰ شہباز شریف نے کہا ہے کہ حکومت نے عوام کو بنیادی شہری سہولتوں کی فراہمی کے لئے جنوبی پنجاب کو ہمیشہ ترجیح دی ہے۔انہوں نے یہ بات پیرکے روز لاہور میں ویڈیو لنک کے ذریعے بہاولپور میں ہونے والے ورکرز کنونشن سے خطاب کرتے ہوئے کہی۔وزیراعلیٰ نے کہا کہ حکومت نے ملک کو ترقی وخوشحالی کی راہ پر گامزن کیا ہے۔انہوں نے پاکستان مسلم لیگ نون کے عہدیداروں کا بھی شکریہ ادا کیا جنہوں نے کنونشن کا اہتمام کیا ۔ انہوں نے کہا کہ وہ جلد دورہ کریں گے اور صوبہ بہاولپور سے متعلق مشاورت کریں گے۔