سیکرٹری خارجہ تہمینہ جنجوعہ نے پلوامہ حملے کے حوالے سے پاکستان کے خلاف بھارتی الزامات یکسرمسترد کردئیے ہیں۔اسلام آباد میں اقوام متحدہ کی سلامتی کونسل کے پانچ مستقل رکن ملکوں کے سفیروں کو بریفنگ دیتے ہوئے انہوں نے کہا کہ بغیر کسی تحقیق اور ٹھوس شواہد کے ایسے واقعات کی فوری طور پر پاکستان پرالزام تراشی ماضی میں بھی بھارت کا وطیرہ رہا ہے۔ تہمینہ جنجوعہ نے کہا کہ خطے میں کشیدگی کو ہوا دینے سے فائدے کے بجائے نقصان ہوگا۔