بلوچستان کے وزیراعلیٰ عبدالقدوس بزنجو نے کہاہے کہ بلوچستان قدرتی وسائل سے مالامال ہے جہاں سرمایہ کاروں کیلئے سرمایہ کاری کے وسیع مواقع موجو د ہیں۔انہوں نے کوئٹہ میں ایک چینی وفد سے گفتگو کرتے ہوئے کہاکہ حکومت نے صوبے میں امن وسلامتی اور غیرملکی سرمایہ کاروں کیلئے محفوظ ماحول کے قیام کیلئے ٹھوس اقدامات کئے ہیں۔وزیراعلیٰ نے کہاکہ چین پاکستان اقتصادی راہداری کے ذریعے بلوچستان کی ترقی کااہم موقع حاصل ہواہے جس سے سرمایہ کاری، تجارت اور کاروبار کی نئی راہیں کھلی ہیں۔وفد نے بلوچستان میں مختلف سرکاری شعبوں میں سرمایہ کاری کی خواہش کااظہارکیا۔