فائل فوٹو
قومی سلامتی کے مشیرڈاکٹرمعیدیوسف نے کہاہے کہ بھارت کاافغانستان کے لئے پچاس ہزار ٹن گندم کی فراہمی کااعلان محض دکھاواتھا اور شدید انسانی بحران کاسامنا کرنے والے افغانوں کے لئے گندم کا ایک دانہ بھی نہیں بھیجا جائے۔
انہوں نے ایک انٹرویو میں کہاکہ بھارت نے جا ن بوجھ کر پاکستان کی سرزمین کے ذریعے گندم کی فراہمی کااعلان کیاتھااس کاخیال تھا کہ پاکستان انکار کردے گالیکن اس کے برعکس پاکستان نے اجازت دیدی۔انہوں نے کہاکہ افغانستان کے بحران کاحل امریکی انتظامیہ پر منحصر ہے ،پابندیاں اٹھائے بغیر افغانستان کی ترقی یقینی بنانے کے لئے صورتحال معمول پرنہیں آسکتی۔انہوں نے عالمی برادری پرزوردیاکہ وہ افغانستان کی مدد کرے تاکہ افغان عوام اپنے ملک کا نظام خوش اسلوبی سے چلاسکیں۔معیدیوسف نے کہاکہ پاکستان پہلے ہی چالیس لاکھ افغان پناہ گزینوں کی میزبانی کررہاہے اورافغانستان میںاور کسی بھی انتشار سے پاکستان میں بڑ ی تعدادمیں مزیدافغان آسکتے ہیں۔انہوں نے کہاکہ سرحد پر باڑلگانے اور سرحدی انتظام کے بارے میں پاکستان اور افغانستان کی حکومتوں کے درمیان انتہائی مثبت رابطے موجود ہیں۔