Sunday, 18 August 2019, 11:52:47 am
حج پالیسی2019ء کا تاحال اعلان نہیں کیا گیا،وزارتِ مذہبی امور
January 16, 2019

وزارت مذہبی امور نے تشویش ظاہر کیا ہے کہ کچھ نجی ٹور آپریٹرز اور بینک حج درخواستوں کے نام پر براہ راست یا اپنے ایجنٹوں کے ذریعے لوگوں سے رقم بٹو رہے ہیں۔

وزارت نے ایک بیان میں ان ٹورآپریٹرز اور بینکوں کے اقدام کو مکمل طور پر غیر قانونی قرار دیتے ہوئے انہیں ایسا کرنے سے باز رہنے کیلئے کہاہے۔

وزارت نے وضاحت کی کہ حج پالیسی برائے 2019ء کا ابھی تک اعلان نہیں کیا گیا اس لئے بینک اور نجی ٹور آپریٹرز حج درخواستیں وصول کرنے کے مجاز نہیں ہیں۔

وزارت مذہبی امور نے لوگوں سے بھی کہا ہے کہ جب تک حج پالیسی کا اعلان نہیں کیا جاتا وہ اس وقت تک نجی ٹور آپریٹروں اور بینکوں کے پاس کوئی رقم یا پاسپورٹ جمع نہ کرائیں۔