اسلامی تعاون تنظیم نے اقوام متحدہ کی سلامتی کونسل پرزوردیاہے کہ وہ القدس الشریف سمیت مقبوضہ فلسطینی علاقے میں اسرائیل کی غیرقانونی بستیوں کے قیام کی پالیسی کے خاتمے میں اپنی ذمہ داریاں پوری کرے۔
اوآئی سی کے سیکرٹری جنرل ڈاکٹریوسف ابن احمد العثیمین نے ایک بیان میں کہاکہ اسرائیلی بستیوں کی توسیعی پالیسی کھلی جارحیت ہے جو فلسطینیوں کے حقوق اور بین الاقوامی قانون کے منافی ہے۔
ادھر مقبوضہ مغربی کنارے میں جھڑپوں کے دوران اسرائیلی فورسز کی فائرنگ سے ایک فلسطینی شہید ہوگیا۔
