وزیراعظم شاہد خاقان عباسی نے منگل کے روز اسلام آباد میں بے نظیر انکم سپورٹ پروگرام سے استفادہ کرنے والوں کے لئے گریجوایشن پلان کے بارے میں ایک بریفنگ کی صدارت کی۔اس موقع پر انہیں گریجوایشن حکمت عملی کے متعلق بتایا گیا جس کا مقصد پروگرام سے استفادہ کرنے والوں کی آمدنی اور انسانی وسائل میں اضافے، ہنر بہتر بنا کر اور دیر پا فلاح وبہبود کے فروغ کے ذریعے مستقل طور پر غربت سے نجات دلانا ہے۔وزیراعظم نے بے نظیر انکم سپورٹ پروگرام کی ٹیم کی کوششوں کو سراہا اور کہا کہ اس پروگرام کے تسلسل اور ثمرات کو یقینی بنانے کیلئے تمام عوامل پر مشتمل جامع منصوبہ پر عمل کیا جائے۔