آزاد جموں وکشمیر کے وزیراعظم سردار عبدالقیوم نیازی نے کہا ہے کہ حکومت امراء اور نادار لوگوں کو یکساں مواقع فراہم کرنے کی غرض سے وفاقی حکومت کے وژن کے تحت یکساں نصاب متعارف کرارہی ہے۔انہوں نے پیر کے روز ضلع پونچھ کے علاقے ہجیرہ میں ایک تقریب سے خطاب کرتے ہوئے راولاکوٹ اور مظفرآباد میں دونئے تعلیمی بورڈز قائم کرنے کا اعلان کیا۔آزاد جموں وکشمیر کے وزیراعظم نے لوگوں کی فلاح وبہبود پر شفاف انداز میں 500 ارب روپے کا وفاقی پیکج خرچ کرنے کا عزم ظاہر کیا۔