Sunday, 15 December 2019, 05:27:20 pm
حکومت ملک سے پولیو کا مکمل خاتمہ کر دے گی،ڈاکٹر ظفر
November 15, 2019

صحت کے بارے میں وزیراعظم کے معاون خصوصی ڈاکٹرظفرمرزا نے کہا ہے کہ حکومت، ملک سے پولیو کا مکمل خاتمہ کر دے گی۔انہوں نے یہ بات جمعہ کے روز کراچی میں گڈاپ کے علاقے کا دورہ کرنے کے بعد صحافیوں سے گفتگو کرتے ہوئے کہی جہاں انہوں نے ان پولیو کارکنان کے لواحقین سے ملاقات کی جنہیں پولیو مہم میں فرائض کی انجام دہی کے دوران شہید کر دیاگیاتھا۔سندھ کے وزیر صحت اور سندھ اسمبلی کے رکن حلیم عادل شیخ بھی ان کے ہمراہ تھے۔ڈاکٹرظفرمرزا نے کہا کہ وفاقی اور صوبائی حکومتیں ملک سے اس موذی مرض کے مکمل خاتمے کیلئے کوشاں ہیں۔دریں اثناء ڈاکٹر ظفر نے آغا خان یونیورسٹی میں سمپوزیم سے خطاب کیا۔