برطانیہ کے شہزادے ولیم اور ان کی اہلیہ کیٹ میڈلٹن نے آج ایوان صدر اسلام آباد میں صدر مملکت ڈاکٹر عارف علوی سے ملاقات کی۔
صدر مملکت اور خاتون اول نے شاہی جوڑے کا استقبال کیا۔
صدر نے دماغی صحت، موسمیاتی تبدیلی اور غربت کے خاتمے سے متعلق آگاہی پیدا کرنے کی کوششوں کے سلسلے میں شاہی جوڑے کے دورے کو سراہا۔
شہزادہ ولیم نے پرتپاک استقبال اور میزبانی پر صدر کا شکریہ ادا کیا۔
شاہی جوڑے نے موسمیاتی تبدیلی سےنمٹنے اور غربت کے خاتمے کےلئے حکومت پاکستان کی جانب سے کئے گئے اقدامات کو سراہا۔