خیبرپختونخوا کے مواصلات اور تعمیرات کے وزیر اکبرایوب نے کہا ہے کہ صوبے بھر میں ترقیاتی سکیموں میں شفافیت اور معیار پرکسی صورت سمجھوتہ نہیں کیاجائے گا ۔پشاور میں ایک اجلاس کی صدارت کرتے ہوئے انہوں نے کہاکہ بدعنوانی میں ملوث افراد کے خلاف سخت کارروائی ہوگی ۔انہوں نے یقین دلایا کہ جاری ترقیاتی سکیموں کیلئے صوبائی بجٹ میں خاطرخواہ فنڈ مختص کئے جائیںگے۔صوبائی وزیر نے مواصلات اور تعمیرات کے محکمے میں عملے کی کمی پر قابوپانے کیلئے فوری بھرتیوں کی ہدایت کی ۔