انفارمیشن ٹیکنالوجی اور ٹیلی مواصلات کے وزیر ڈاکٹر خالد مقبول صدیقی نے کہا ہے کہ حکومت انفارمیشن ٹیکنالوجی کے شعبے میں نجی شعبے کی حوصلہ افزائی کیلئے بھرپور اقدامات کررہی ہے۔
وہ پیر کے روزبلوچستان یونیورسٹی آف انفارمیشن ٹیکنالوجی اینڈ مینجمنٹ سائنسز کوئٹہ میں صحافیوں سے گفتگو کررہے تھے۔انہوں نے کہا کہ انٹر نیٹ کی سہولت کی فراہمی کیلئے چین پاکستان اقتصادی راہداری کے روٹ پر فائبر آپٹک کیبل بچھانے کا منصوبہ شروع کیاگیا ہے۔ ایک سوال پر وفاقی وزیر نے کہا کہ اگر سینٹ کے چیئرمین صادق سنجرانی کے خلاف اگر عدم اعتماد کی تحریک پیش کی گئی تو پاکستان تحریک انصاف سینٹ چیئرمین کی مکمل حمایت کرے گی۔