پاکستان نے تجارتی استعمال کے لئے ڈرگ ریگولیٹری اتھارٹی کی طرف سے منظورشدہ کوروناوائرس کی مقامی تشخیصی کٹس تیار کی ہے۔عرب نیوزکوایک انٹرویومیں سائنس وٹیکنالوجی کے وزیرچودھری فوادحسین نے کہاکہ مقامی طورپر تیار کردہ تشخیصی کٹس ملک میں کوروناوائرس کے ٹیسٹوں کی لاگت میں کمی لائے گی۔انہوں نے کہاکہ کٹس نیشنل یونیورسٹی آف سائنس وٹیکنالوجی کے ماہرین نے تیار کی ہیں جو نوے فیصد درست ہیں جودرآمدکی گئی کٹس کی نسبت بیس فیصدبہترہیں۔وفاقی وزیرنے امیدظاہر کی کہ مقامی وینٹی لیٹرز بھی آئندہ چندہفتوں کے اندر تیار ہوجائیںگے جبکہ چارمشینیں پہلے ہی تجرباتی مرحلے میں ہیں۔انہوں نے کہاکہ یہ تجربات مکمل ہونے کے بعدوینٹی لیٹرزکی تجارتی بنیادوں پرتیاری شروع کردی جائے گی۔