مقبوضہ کشمیر میں جموں وکشمیر مسلم لیگ نے پارٹی کے غیرقانونی طورپرزیرحراست چیئرمین مسرت عالم بٹ کو بارہ جولائی تک عدالتی تحویل میں دیئے جانے پردہلی ہائی کورٹ کی شدید مذمت کی ہے ۔سری نگر میں ایک بیان میں جموں وکشمیر مسلم لیگ کے ترجمان سجاد ایوبی نے کہاکہ بھارت نے مسرت عالم بٹ کو محض نشانہ بنانے کیلئے غیرقانونی حراست میں رکھا ہوا ہے جو سیاسی انتقام کی بدترین مثال ہے ۔ترجمان نے انسانی حقوق کی عالمی تنظیموں پرزوردیا کہ وہ مسرت عالم بٹ اور غیرقانونی طورپر زیرحراست دوسرے حریت رہنمائوں اورکارکنوں کی فوری رہائی کیلئے اپنا کردارادا کریں ۔