پنجاب کے وزیرخزانہ ہاشم جواں بخت نے کہا ہے کہ بجٹ میں مستحق لوگوں کی فلاح وبہبود اور تعلیم وصحت کے شعبوں کی ترقی پرخصوصی توجہ دی گئی ہے ۔لاہورمیں بعدازبجٹ نیوز کانفرنس سے خطاب کرتے ہوئے انہوں نے کہاکہ نجی سرکاری شراکت داری کے تحت متعدد منصوبے شروع کئے گئے ہیں۔وزیرخزانہ نے کہاکہ حکومت نوجوانوں کو روزگار فراہم کرنے کیلئے انسانی وسائل کے شعبے کو ترقی دینے کیلئے پرعزم ہے اوراس سلسلے میں احساس پروگرام شروع کیاگیا ہے۔انہوں نے کہاکہ برآمدات اور سرمایہ کاری کے فروغ کیلئے کوششیں جاری ہیں جبکہ صوبے میں زرعی شعبے کی ترقی کیلئے کسانوں کو سہولتیں دی جارہی ہیں ۔