مذہبی امور اور بین المذاہب ہم آہنگی کے وزیر ڈاکٹر نور الحق قادری نے خبردار کیا ہے کہ کسی کو بھی بے گناہ افراد کی جانوں سے کھیلنے کی اجازت نہیں دی جائے گی اور حکومت ان عناصر کے خلاف سخت کارروائی کرے گی جو امن و امان کی صورتحال خراب کرنا چاہتے ہیں۔پاکستان ٹیلی ویژن کے نیوز چینل سے گفتگو کرتے ہوئے انہوں نے کہا کہ مظاہرین کے رویئے کے باعث عام آدمی کو شدید مشکلات کا سامنا ہے۔انہوں نے کہا کہ پاکستان تحریک انصاف کی حکومت ملک بھر میں پُرامن ماحول قائم کرنے کی کوشش کر رہی ہے۔