برطانیہ میں پاکستان کے ہائی کمشنرمحمدنفیس زکریانے کہاہے کہ وزیراعظم عمران خان کی جانب سے اعلان کردہ نئی ویزہ پالیسی سے ملک میں سیاحت اورسرمایہ کاری کوفروغ ملے گا۔
وہ لندن میں مقیم پاکستانیوں کے اجتماع سے خطاب کررہے تھے جنہوں نے وزیراعظم عمران خان کی جانب سے پانچ ملکوں کے لئے آزمائشی طورپرای ویزہ پالیسی کے باضابطہ آغاز کی براہ راست تقریب دیکھی۔
نفیس زکریا نے برطانیہ میں مقیم پاکستانیوں پرزوردیاکہ وہ پاکستان میں سیاحت اورسرمایہ کاری کے فروغ میں اپنافعال کرداراداکریں۔
انہوں نے مزیدکہاکہ وہ حکومت کی کاروباردوست پالیسیوں سے زیادہ سے زیادہ فائدہ اٹھائیں اور سیاحت سمیت مختلف شعبوں میں سرمایہ کاری کریں۔