صارفین کے حقوق کا عالمی دن جمعرات کومنایا گیا جس کامقصد صارفین کے حقوق اور ضروریات کے بارے میں آگاہی پیدا کرناہے۔
یہ دن منانے کامقصد تمام صارفین کے حقوق کے احترام اور تحفظ کا مطالبہ کرنا اور منڈی میں روا رکھی جانیوالی ناانصافیوں اور سماجی حق تلفی کے خلاف احتجاج کرناہے جس سے صارفین کے حقوق متاثرہوتے ہیںاس موقع پر ایک بیان میں پنجاب کے وزیراعلیٰ محمدشہبازشریف نے کہا کہ حکومت کی یہ ذمہ داری ہے کہ وہ آئین کے دائرے میں رہتے ہوئے صارفین کے حقوق کا تحفظ کرے۔انہوں نے کہا کہ شہریوں کی سہولت کے لئے صارفین کے تحفظ کے قانون کے تحت صوبے کے مختلف اضلاع میں صارف عدالتیں قائم کی گئی ہیں ۔
