راولپنڈی اور گلگت بلتستان کے درمیان شاہراہ قراقرم ہر قسم کی گاڑیوں کی آمدورفت کے لئے دوبارہ بند کر دی گئی ہے۔فرنٹیئر ورکس آرگنائزیشن نے ریڈیو پاکستان کے گلگت کے نمائندے کو بتایا کہ آج صبح کوہستان کے علاقے چٹیال بازار میں مٹی کا تودہ گرنے سے سڑک بند ہوگئی۔گاڑیوں کی آمدورفت بحال کرنے کے لئے کوششیں کی جاہی ہیں۔ادھر شاہراہ قراقرم کا گلگت خنجراب حصہ گاڑیوں کی آمدورفت کے لئے کھول دیا گیا ہے۔