مقبوضہ کشمیر میں حریت فورم کے چیئرمین میرواعظ عمر فاروق نے بھارت کے صوبے چھتیس گڑھ میں کشمیری طلبہ پر حملے کی سخت مذمت کی ہے۔
بھارتی صوبوں مہاراشڑ اور بہار سے تعلق رکھنے والے طلبا کی طرف سے چھتیس گڑھ میں انسٹیٹیوٹ آف مینجمنٹ اینڈ انجینئرنگ ٹیکنالوجی کے ہاسٹل میں مقبوضہ کشمیر ی طلبا پر تشدد سے کم از کم چار طلبا زخمی ہوگئے ہیں، زخمیوں کی شناخت فیصل، نوید ،محسن اور زاہد کے نام سے ہوئی ہے۔
میرواعظ عمر فاروق نے کہا کہ نہ صرف کشمیری طلبا بلکہ بھارت کے مختلف علاقوں میں مقیم کشمیری کاروباری شخصیات اور تاجروں کو بھی نشانہ بنایا جارہا ہے ہراساں کیا جاتا ہے اور علاقہ چھوڑنے پر مجبور کیا جاتا ہے۔