مقبوضہ کشمیر میں نام نہاد کشمیر اسمبلی کے رکن انجینئر عبد الرشید نے بھارت کو خبردار کیا ہے کہ وہ سجوان حملے میں ہلاک ہونے والے مقامی کشمیری کے معاملے کو سیاسی مقاصد کے لئے استعمال نہ کرے۔
کپواڑہ میں عوامی اجتماع سے خطاب کرتے ہوئے انجینئر عبدالرشید نے کہاکہ بھارت کو ان تمام ہلاکتوں کے بارے میں اپنی اخلاقی ذمہ داری تسلیم کرنی چاہیے۔
انہوں نے کہاکہ کشمیریوں نے کبھی بھی تشدد کی حمایت نہیں کی تاہم انہیں ان حالات کی طرف دھکیلا جارہا ہے جہاں کچھ نے تشدد کا راستہ اختیار کیا ہے تاکہ کشمیر کے مسئلے پر ان کی آواز سنی جائے۔