وزیر داخلہ شیخ رشید احمد نے کہا ہے کہ اگر منگل کے روز الیکشن کمیشن کے باہر ا حتجاج کے دوران حزب اختلاف نے آئین اور قانون کی پاسداری کی تو انہیں احتجاج سے نہیں روکا جائے گا۔
انہوں نے جمعہ کے روز لاہور میں ایک پریس کانفرنس سے خطاب کرتے ہوئے کہا کہ حزب اختلاف اپنا آئینی حق استعمال کرسکتی ہے تاہم اگر انہوں نے اسلام آباد میں بدامنی پیدا کرنے کی کوشش کی تو قانون حرکت میں آئے گا۔وزیر داخلہ نے کہاکہ وزیراعظم عمران خان نے حزب اختلاف سے مذاکرات کے لئے ایک کمیٹی تشکیل دی ہے۔انہوں نے کہا کہ حکومت حزب اختلاف کی جماعتوں کے اجتماع سے خوفزدہ نہیں لیکن یہ وقت اس بات کا جائزہ لینے کا ہے کہ اپوزیشن قانون اور آئین کا احترام کرتی ہے یا نہیں۔انہوں نے کہا کہ وزیراعظم عمران خان اپوزیشن سے کسی قسم کی ڈیل نہیں کریں گے کیونکہ انہوں نے قومی خزانہ لوٹنے والے عناصر کا احتساب کرنے کا تہیہ کررکھا ہے۔