صدر ڈاکٹر عارف علوی نے کہا ہے کہ گوادر پورٹ کی وجہ سے پاکستان راہداری تجارت کا علاقائی مرکز بن جائیگا اور بلوچستان کے عوام کو روزگار کے بھرپور مواقع حاصل ہوںگے۔
انہوں نے جمعہ کے روز اسلام آباد میں اعلی سطح کے ایک اجلاس کی صدارت کرتے ہوئے کہا کہ اس بندرگاہ کی تکمیل سے علاقے میں سماجی اور اقتصادی خوشحالی آئیگی۔صدر نے کہا کہ گوادر کی بندرگاہ اور چین پاکستان اقتصادی راہداری علاقائی روابط کو فروغ ملے گا اور اس سے جنوبی اور وسط ایشیائی ملکوں کو فائدہ ہوگا۔
