حریت فورم کے چیئرمین میرواعظ عمر فاروق نے کہا ہے کہ کسی کو بھی مقبوضہ کشمیر میں فرقہ وارانہ ہم آہنگی کو نقصان پہنچانے کی اجازت نہیں دی جائے گی۔
سرینگر میں علما کے ایک گروپ سے گفتگو کرتے ہوئے انہوں نے کشمیریوں پر زوردیا کہ وہ فرقہ وارانہ ہم آہنگی اور بھائی چارہ برقرار رکھتے ہوئے ان لوگوں کے مذموم عزائم ناکام بنادیں جو مقبوضہ کشمیر میں فرقہ وارانہ کشیدگی پیدا کرنا چاہتے ہیں۔
انہوں نے عوام خصوصاً نوجوانوں سے اپیل کی کہ وہ اشتعال میں نہ آئیں کیونکہ معاشرے میں ہمیشہ سے ایسے عناصر موجود ہیں جو فرقوں اور برادریوں کے درمیان تنازعات پیدا کرنے کے لئے فرقہ وارانہ اور لسانی کشیدگی پیدا کرنا چاہتے ہیں۔