الیکشن کمیشن نے قبائلی اضلاع میں ووٹوں کے اندراج اور منتقلی کےلئے تین سو نو مراکز قائم کئے ہیں۔

 صوبائی الیکشن کمیشن کے ترجمان نے ریڈیو پاکستان کے پشاور کے نمائندے کو بتایا کہ قبائلی اضلاع کے ووٹرز سے کہاگیا ہے کہ وہ اس ماہ کی انتیس تاریخ تک اپنے کمپیوٹر ائزڈ قومی شناختی کارڈ پر درج مستقل یا عارضی پتے پر اپنے ووٹ کا اندراج یقینی بنائیں۔

 اندراج مراکز کے پتے اور رابطہ نمبر الیکشن کمیشن کی ویب سائٹ پر جاری کردئیے گئے ہیں۔