راولپنڈی کرکٹ ٹیسٹ میں پاکستان اور سری لنکا کے درمیان چوتھے دن کا کھیل گراونڈ گیلا ہونے کے باعث کوئی بال کھیلے بغیر ختم کردیاگیا ہے ۔یہ فیصلہ امپائروں نے گراونڈ کاجائزہ لینے کے بعد کیا ۔گزشتہ روز بھی بارش کے باعث صرف پانچ اعشاریہ دو اوورز کے بعد کھیل ختم کردیاگیاتھا ۔یہ میچ اب ڈرا کی طرف جارہا ہے کیونکہ سری لنکا نے ابھی اپنی پہلی اننگز کا کھیل بھی مکمل نہیں کیا ۔سری لنکا نے 282 رنز بنائے ہیں اوراس کے چھ کھلاڑی آوٹ ہوئے ہیں۔