اقوام متحدہ کی جنرل اسمبلی نے فلسطینی پناہ گزینوں کی مدد کرنے والے عالمی ادارے کو مزیدتین سال کے لئے بھاری اکثریت سے نیامینڈیٹ دے دیاہے۔ جنرل اسمبلی کا یہ اقدام امریکہ کی طرف سے ادارے پر بے ضابطگیوں کے الزامات اورفنڈزکی فراہمی روکنے سے مالی وسائل میں کمی کے تناظرمیںکیاگیاہے۔
اقوام متحدہ کے ریلیف اینڈورکس ادارے کے مینڈیٹ میں تیس جون دوہزارتئیس تک توسیع کی گئی ہے۔ جنرل اسمبلی میں اس سلسلے میں قرارداد پر ہونے والی رائے شماری میں ایک سو انہتر ملکوں نے حمایت کی اورنوملکوں نے رائے شماری میں حصہ نہیں لیا، امریکہ اوراسرائیل نے قرارداد کی مخالفت کی۔ادھرحماس نے اقوام متحدہ کے ریلیف اینڈورکس ایجنسی کے بین الاقوامی مینڈیٹ میں توسیع کا خیرمقدم کیا ہے جسے وہ فلسطینی حقوق کے لئے مخاصمانہ امریکی پالیسیوں کی ایک اورناکامی سمجھتے ہیں۔(این این آر، وہاج بشیر)