گورنر خیبرپختونخوا اقبال ظفر جھگڑا نے کہا ہے حکومت فاٹا اصلاحات پر عملدرآمد میں سنجیدہ ہے جس سے علاقے میں ترقی اور خوشحالی کا نیا دور شروع ہوگا۔ جمعرات کے روز پشاور میں مسلم لیگ ن فاٹا کے ایک وفد سے باتیں کرتے ہوئے انہوں نے کہا کہ وفاقی حکومت قبائلی عوام کے اقتصادی و سماجی حالات کو بہتر بنانے کے لئے ہر ممکن کوششیں کررہی ہے۔اقبال ظفر جھگڑا نے کہا کہ قبائلی علاقوں میں بنیادی ڈھانچے کی ازسر نو تعمیر کے علاوہ صحت اور تعلیم کے شعبوں میں کئی ترقیاتی منصوبوں پر کام جاری ہے۔