فرانس کی سینیٹ کے ایک وفد نے کراچی میں گورنر سندھ محمد زبیر سے ملاقات کی۔فریقین نے دوطرفہ تجارت،سندھ میں سرمایہ کاری کے مواقع اور دہشتگردی کے خلاف جنگ میں پاکستان کے کلیدی کر دار پر بات چیت کی ۔گورنر نے کہاکہ کراچی میں امن وامان کی بحالی کے بعد سرمایہ کاری کے بہترین مواقع دستیاب ہیں اور فرانسیسی سرمایہ کاروں کو ان مواقع سے فائدہ اٹھانا چاہیے ۔انہوں نے کہاکہ امن وامان کی صورتحال میں بہتری کے بعد بیرونی سرمایہ کاروں کو بلا خوف وخطر پاکستان آنا چاہیے تاکہ تاجروں اور سرمایہ کاروں کو ان مواقع سے فائدہ اٹھانے میں مدد دی جاسکے ۔