گورنر سندھ محمد زبیر نے کہا ہے کہ اسلام امن اور بھائی چارے کا مذہب ہے اور یہ اقلیتوں کو مکمل مذہبی آزادی کی ضمانت دیتاہے۔وہ جمعرا ت کے روزکراچی میں بشپ نذیر عالم کی قیادت میں مسیحی برادری کے ایک وفد سے باتیں کررہے تھے۔گورنر نے کہا کہ اقلیتوں کومساوی مواقع فراہم کیے جارہے ہیں اور ہر شعبے میں ان کی شمولیت یقینی بنائی جارہی ہے۔انہوں نے صوبے کی ترقی اور خوشحالی میں اقلیتوں کے کردار کو سراہا اور کہا کہ اقلتیں خصوصاً مسیحی برادری تعلیم اور صحت کے شعبوں میں اہم کردار اداکررہی ہے۔