مذہبی امور کے وفاقی وزیر نور الحق قادری نےآج لاہور میں پنجاب کے وزیر اعلیٰ سردار عثمان بزدارسےملاقات کی۔
ملاقات کے دوران باہمی دلچسپی کے امور مجموعی سیاسی صورتحال اور بین المذاہب ہم آہنگی کے فروغ سے متعلق امور پر تبادلہ خیال کیاگیا۔
اس موقع پر اظہار خیال کرتے ہوئے وزیراعلیٰ نے کہا کہ معاشرے میں ہم آہنگی اور رواداری کے فروغ کے لئے علمائے کرام کا کردار انتہائی اہمیت کا حامل ہے۔
انہوں نے کہا کہ وزیراعظم عمران خان نے کرتارپور راہداری کھول کر امن اور ہم آہنگی کا پیغام دیا ہے۔
انہوں نے کہا کہ صوبائی حکومت اقلیتوں کےلئے عوامی فلاح و بہبود کے مختلف منصوبے متعارف کرائے گی۔