انسداد منشیات کے وزیر مملکت شہریار آفریدی نے کہا ہے کہ حکومت پاکستان کو منشیات سے پاک کرنے کےلئے پرعزم ہے۔

 آج پشاور میں منشیات تلف کرنے کی تقریب سے خطاب کرتے ہوئے انہوں نے اس لعنت کے خاتمے کےلئے انسداد منشیات فورس اور دوسرے متعلقہ محکموں کی کوششوں کو سراہا۔

 شہریار آفریدی نے کہاکہ ہم اپنے نوجوانوں کو اس لعنت سے بچانے کےلئے کوئی سمجھوتہ نہیں کریں گے۔

 انہوں نے معاشرے سے منشیات سمگلنگ کے مکمل خاتمے کےلئے انفرادی کوششوں کی ضرورت پر زور دیا۔ اس موقع پر ضبط کی جانے والی 16 ٹن منشیات نذرآتش کی گئیں۔