پنجاب کے وزیر صحت ڈاکٹر یاسمین راشد نے صوبے کے پسماندہ اضلاع میں پانچ زچہ و بچہ ہسپتال قائم کرنے کااعلان کیا ہے۔
آج لاہور میں محکمہ صحت کے ایک اجلاس کی صدارت کرتے ہوئے انہوں نے کہا یہ ہسپتال لیہ، بہاولپور، میانوالی، راجن پور اور اٹک اضلاع میں قائم کئے جائیں گے۔
ڈاکٹر یاسمین راشد نے کہا کہ ملک کی تاریخ میں پہلی بار زچہ و بچہ کی دیکھ بھال کےلئے الگ ہسپتال قائم کئے جارہے ہیں۔
وزیر صحت نےکہا کہ پاکستان میں زچہ و بچہ کی اموات کی شرح بہت زیادہ ہے اور ایسے ہسپتالوں کا قیام وزیراعظم کے ایجنڈے میں ایک ترجیح ہے۔
