خیبر پختونخوا کے تمام ساتوں قبائلی اضلاع میں با ضابطہ پولیس کا نظام متعارف کرانے کی تیاریوں کو حتمی شکل دی جارہی ہے۔
محکمہ پولیس کے ترجمان نے ریڈیو پاکستان کے پشاور کے نمائندے کو بتایا کہ موجودہ پولیس فور س سے 23 ہزار اہلکاروں کو قبائلی اضلاع میں تعینات کیا جائے گا جبکہ بائیس ہزار نئے پولیس افسر اوراہلکار بھرتی کئے جائیں گے۔
ترجمان نے بتایا کہ لیویز اور خاصہ دار فورس کی باضابطہ تربیت کےبعد اسے پولیس میں ضم کیا جائے گا۔
انہوں نےکہا کہ قبائلی اضلاع میں تقریباً ایک سو تھانے قائم کئے جائیں گے۔