منصوبہ بندی اور ترقی کے وزیر احسن اقبال نے کہا ہے کہ حکومت نے سرمایہ کاروں کو چین پاکستان اقتصادی راہداری کے تحت کاروبار دوست ماحول اور سہولتیں فراہم کر نے کا عزم کر رکھاہے۔وہ چائنا GEZOUBAگروپ انٹر نیشنل انجینئرنگ کے صدر XIANGکے ساتھ منگل کے روز اسلام آباد میں گفتگو کررہے تھے ۔ انہوںنے کہاکہ حکومت ملک میں توانائی کی مستقل فراہمی یقینی بنانے اور خوراک کے تحفظ کیلئے دیامیر بھاشا ڈیم مہمند ڈیم اور داسو ڈیم کی تعمیر کو بہت زیادہ ترجیح دے رہی ہے ۔وفاقی وزیر نے کہاکہ صنعتی زون سے ملک میں صنعتوں کے اضافے کے عمل کو تیز کر نے میں مدد دینگے ۔