اسلامی تعاون تنظیم اسرائیل کے وزیراعظم بنجمن نیتن یاہو کی طرف سے مغربی کنارے کے علاقوں کے الحاق کے اقدام سے پیدا ہونے والی کشیدگی پر غور کے لئے کل (اتوار) جدہ میں وزرائے خارجہ کی سطح کااجلاس منعقدکرے گی۔
ایک بیان میں او آئی سی کے سیکرٹری جنرل ڈاکٹریوسف Al-Othaimeen نے نیتن یاہو کے اسرائیل کے عام انتخابات میں کامیابی کی صورت میں فلسطینی علاقوں پراسرائیلی بالادستی مسلط کرنے کے عزائم کی شدید مذمت کی ہے۔انہوں نے کہاکہ اجلاس میں اسرائیل کی نئی جارحیت سے نمٹنے کے لئے ممکنہ سیاسی اور قانونی اقدامات پرغورکیاجائے گا۔منگل کے روز انتخابی ریلی کے دوران بنجمن نیتن یاہو نے کہاکہ وہ عام انتخابات میں کامیابی کے بعد وادی اردن اوربحرمردارکے شمالی حصے سمیت مغربی کنارے کے بعض مقبوضہ علاقوں کاالحاق کرے گا۔(این این آر، وہاج بشیر)