افغان طالبان کے نمائندہ وفدنے امریکہ کی جانب سے امن مذاکرات کی منسوخی کے تناظر میں ماسکومیں روس کی قیادت سے مشاورت کی ہے۔
طالبان کے ترجمان سہیل شاہین کے مطابق طالبان کے وفد نے افغانستان کے لئے روسی صدر کے نمائندے Zamir Kabulov سے مشاورت کی۔روس کی وزارت خارجہ کے ترجمان نے کہاکہ روس میں مشاورتی اجلاس سے امریکہ اور طالبان کے درمیان مذاکرات کے دوبارہ آغاز کی ضرورت عیاں ہوتی ہے۔انہوں نے کہاکہ طالبان نے بھی امریکہ کے ساتھ مذاکرات جاری رکھنے پرآمادگی ظاہر کی ہے۔(این این آر، وہاج بشیر)