تجزیہ کاروں نے کہاہے کہ موجودہ حکومت عام آدمی کو سہولت فراہم کرنے کے لئے پُرعزم ہے۔
ریڈیو پاکستان کے خبروں اورحالات حاضرہ چینل میں اظہارخیال کرتے ہوئے ماہرمعاشیات ڈاکٹرمحمدخان نے کہاکہ نئی حکومت نے ملک کی اقتصادی حالت بہتر بنانے کے لئے ہرقدم اٹھانے کافیصلہ کیاہے۔تحریک انصاف کے رہنما علی محمدخان نے خیالات کااظہار کرتے ہوئے کہاکہ تمام بے بنیاد تنقید کے باوجود تحریک انصاف کی حکومت تمام موجودہ مسائل کے حل اور اداروں کو بہتر نظم ونسق کے ذریعے مضبوط بنانے کے لئے پُرعزم ہے۔تحریک انصاف کے رہنما ڈاکٹر رمیش کمار نے اس موقع پرکہاکہ پاکستان کے عوام نے ہمیں موقع دیا ہے اور ہمیں احساس ہے کہ ہمارا جائزہ کارکردگی کی بنیاد پرکیاجائے گا۔
