چین نے کہاہے کہ وہ تجارت سے متعلق بات چیت میں امریکی مطالبات کے سامنے ہتھیار نہیں ڈالے گا۔
چین کے ایک بڑے سرکاری روزنامے نے اپنے ایک اداریے میں کہاہے کہ ٹرمپ انتظامیہ کو اس خوش فہمی میں نہیں رہناچاہیے کہ چین امریکی مطالبات کے سامنے جھک جائے گا۔اداریے میں کہاگیا کہ اگرامریکہ نے چین کی درآمدات پر نئے ٹیکس عائد کئے تو چین اپنے مفادات کے تحفظ کے لئے امریکہ کی طرف سے عائدکئے گئے ٹیکسوں کے خلاف جوابی اقدامات کرنے میں ہچکچاہٹ کامظاہرہ نہیں کرے گا۔
