امورکشمیر کے وزیرعلی امین گنڈاپور نے کہاہے کہ پوری پاکستانی قوم کشمیری بھائیوں کی جدوجہد آزادی کی مکمل حمایت کااعادہ کرتی ہے۔

یوم آزادی کے موقع پر اپنے پیغام میں انہوں نے کہاکہ پاکستان بھارت کی جانب سے مقبوضہ کشمیر میں آبادی کے تناسب کی تبدیلی کے ناپاک عزائم کی شدیدمذمت کرتاہے۔

وفاقی وزیرنے کہاکہ بھارتی حکومت کے اقدامات سے اس کی نام نہاد جمہوریت بے نقاب ہوگئی ہے۔

علی امین گنڈاپورنے کہاکہ بی جے پی کی حکومت کی انتہاپسندپالیسیاں اور آرایس ایس ایجنڈے نے اقلیتوں میں احساس بیداری پیدا کیاہے کہ بھارت میں ان کی زندگی محفوظ نہیں ہے اورعلیحدگی پسند تحریکوں میں مزیدشدت آئے گی۔

وفاقی وزیرنے کہاکہ حکومت نے مسئلہ کشمیر تمام عالمی فورموں پراجاگر کرنے کے لئے موثر اقدامات کئے ہیں۔